Primeiru Ministru, Mari Alkatiri, buka dalan atu rezolve funsionáriu balun ne’ebé mate klamar kontinua simu vensimentu. Ne’e duni, hakarak hadi'a sistema nune’e funsionáriu sira ne’e labele simu osan.

Nia hatutan, realidade barak daudaun ne’e akontese iha nasaun ne’e, tanba funsionáriu balun ne’ebé mate tinan barak nia laran kada fulan kontinua simu vensimentu.

PM Alkatiri rekoñese katak nia la fó kulpa ba funsionáriu mate klamar sira ne’e, maibé tau kulpa ba funsionáriu sira daudaun ne’e moris ne’e mak halo manobra tun-sa’e.

“Ha'u hatene katak ida ne’e realidade. Tanba ne’e, tenke rezolve tanba ema mate ona la sala, maibé ita moris mak sala”, tenik nia, iha Matadouru, horisehik.

Nia dehan, harak ka lakohi tenke hadi'a sistema iha Funsaun Publika. Nune’e, sistema free balace pagamentu nian ba funsionáriu sira mate tinan barak ona maibé kontinua simu vensimentu kada fulan.

Alkatiri dehan, tempu badak Governu sei koordena ho Komisaun Funsaun Publika (KFP) atu regula sistema pagamentu ba funsionáriu públiku ne’ebé mate kleur ona.