“Ha’u haraik aan husu ba povu tomak katak ita hotu-hotu vota fila iha Eleisaun Antisipada. atu haforsa ita nia demokrasia no estadu direitu demokratiku,” dehan Xefe Estadu Lú-Olo’ liu husi diskursu Estadu iha Palasiu Prezidensiál-Bairru Pité, horisehik.

Xefe Estadu deside tuir artigu 86 (aline f) iha konstituisaun repúblika  hodi disolve Parlamentu Nasionál.

Nia informa, husu públiku hein atu marka data ba eleisaun antesipada tuir lei haruka.

Tanba ne’e, Xefe Estadu husu ba sidadaun tenke hamutuk nafatin hakmatek nu'udar  maun alin husi familia ida de’it harii nasaun doben hodi hatudu ba mundu tomak.

“Ita timor oan haburas no hametin ita nia demokrasia tuir ita nia hakarak rasik, ita timor oan sei kaer metin pás no estabilidade atu haburas ba bei-beik TL, nu’udar nasaun ida ne’ebé riku no justu,” dehan Prezidente Repúblika Lú-Olo.