Selebrasaun ezistensia Sentru Instrusaun Komandante Nicolao Lobato ba dala-24, sei realiza iha loron 19 fulan-Fevereiru tinan 2025 ho atividada sira hanesan, tékniku ka prosedimentu tiru nian, palestra no jogu torneiu ba taxa F-FDTL.
Komandante Forsa Apoiu Jeral Koronel Celestino Pinto “Daleba” hatete, selebrasaun ezistensia CICNL sei selebra ho atividade sira hanesan kompetisaun ba tékniku tiruteiu, palestra no jogu torneiu F-FDTL nian.
“Atividade hahú ohin ne’e, bá selebrasaun ezistensia CICNL nian iha loron 19 fulan ne’e, ami loke kompetisaun ba komponente sira hotu atu mai kompete kona-bá oinsá prosedimentu tátiku no tékniku tiru nian, loke taxa FALINTIL ne’ebé agora dadauk sira realiza ona no palestra sei konvida Eis-Prezidente Repúblika Taur Matan Ruak no Ministru Defeza” dehan Koronel Celestino Pinto “Daleba” iha CICNL Metinaro, Segunda (17/02).
Entretantu, kompetisaun prosedimentu tátiku no tékniku tiru ne’e sei partisipa husi membru F-FDTL husi Komponente Naval, Komponente Terrestre, Komponente Aero, CICNL, Unidade Apoiu Servisu, Unidade Polisia Militar.
