Tuir Komunikadu ne’ebé Online INDEPENDENTE asesu iha Pájina ofisiál Primeiru-Ministru Kay Rala Xanana Gusmão haktuir, Iha Fronteira Mota-ain, Silawan, Tasifeto Timur, Nusa Tenggara Timur (NTT), PM Xanana simu direta husi Komandante Resor Militár (Danrem) 161 Wira Sakti Kupang, Brigadeiru Jenerál (Brigjen) Tentara Nasionál Indonsia (TNI), João Xavier Barreto Nunes akompaña husi Xefe Postu Integradu Fronteira Indonézia iha Mota-ain.
Primeiru Ministru kay Rala Xanana Gusmão hetan konvite hodi partisipa kafé hamutuk iha Postu Integradu Fronteira Mota-ain, no durante minutu 40 nia laran konversa ho amigável tebes molok hakat liu bá RAEOA.
“Ko’alia mós kona-bá oinsá planu estabelesimentu kooperasaun no liña koordenasaun defeza ho Seguransa iha Fronteira rai rua nian iha future,”dehan Komunikadu ne’ebé Online INDEPENDENTE sita.
João Xavier Barreto Nunes garante bá Primeiru-Ministru, Kay Rala Xanana Gusmão katak, situasaun no liña koordenasaun Defeza no Seguransa iha Fronteira sei kontinua di’akliu-tán tanba misaun husi servisu seguransa nian iha Fronteira atu lori dame no moris hakmatek bá povu país rua nian.
