Sekretáriu Estadu Kooperativa, Arsénio Perreira da Silva hatete, SEKoop komesa halo lansamentu batar kay Rala iha Munisipiu Lautem no tuir planu sei kobre iha Munisipiu hotu.
“Sekretáriu Estadu Kooperativa (SEKoop) sei tau prioridade ba lansamentu produsaun agrikola nian no halo feira batar Kairala, ida ne’e mak nia orsamentu sei fokus tau iha orsamentu Bens Servisu,” informa Arsénio da Silva ba Jornalista INDEPENDENTE iha Ministeriu Finanasas, (01/08).
Nia dehan, SEKoop informa ona ba komunidade sira ne’ebé iha baze atu bele halo ona produsaun para iha fulan haat mai tan bele koilleta ona.
Nia haktuir, batar Kayrala laiha impaktu ba klima ne’ebé mak afeta husi bailoron naruk, tanba ida ne’e sempre halo manutensaun ida ne’e mak implementa iha fulan haat nia laran.
Aliende ne’e,SEKoop mós sei tuur hamutuk ho ekipa tekniku sira hodi prepara OJE 2024 nian, atu bele tau iha planu anuál hodi bele ezekuta tuir programa ne’ebé iha.
