“Objetivu ohin hau mai atu kuilleta Bafo Kayrala, batar no produtu sira seluk ne'ebé maka kamponezes sira kuda iha fatin ida ne'e. Bafo kayrala ne'e hun ida deit ita bele produz produtu final hamutuk 30-resin,” Dehan Sekretáriu Estadu Kooperativa, Arsénio liu husi Komunikadu Imprensa ne'ebe INDEPENDENTE asesu iha pajina SEKoop, Sesta (08/03).

Programa Sekretáriu Estadu Kooperativas ni’an maka produz hahú husi Hulur to'o Hilir no agora dadaun ba oin programa no atividade sira foka liu-liu ba "hilirisasi" sei involve mos empreza media no kiik sira.

Tanba ne'e, SEKoop enkoraza membru kooperativa sira tenki produz barak, liu-liu iha hilirisasi, atu nune'e bele fó rendimentu di’ak ba membru sira hodi krese ekonómia iha familia ka uma-kain.

Kona-ba merkadu, Governante ne'e subliña katak merkadu primeiru maka, se ninia produtu final konsumu ema no animal ni’an, entaun merkadu ida mak ne'e.

Aleinde ida-ne'e, agora dadaun mos SEKoop halo ona koordenasaun ho World Food Programma (WFP) no Ministéríu Edukasaun, Bafo Kayrala sei inklui mos iha menu ba merenda eskolár hodi reprezenta karbohidrat.