Sekretariu Estadu Kooperativa (SeKoop), Arsinio Pereira da Silva hateten, ohin Sekretariu Estadu Kooperativa (SeKoop) asina akordu ho Catholic Relief Services (CRS) oinsá atu fasilita grupu sira hodi desenvolve atividade ne'ebé sira halo munisipiu.

"SeKoop la'os foin asina MoU ida ho CRS, atu halo implementasaun  ba programa sira ne'ebé iha ,tanbá realidade implementasaun programa sira ne'e  atu desenvolve ita nia ba rai ida ne'e no ba povu moris diak," Dehan Nia ba Jornalista sira iha Salaun Sekoop Akait, Segunda (02/12/2024)

Nia dehan, liu-liu asuntu kooperativa nia  iha setor ekonomia nia ho lina ministeriais sira, tanbá ne'e SeKoop asina MoU ida ho CRS atu fasilita movimentu Kooperativa sira.

Ba benefisariu sira ne'ebé agora dadaun sei halo esiste iha CRS nia, oinsá parte rua ne'e hodi apoiu sira no kontinua kapasita sira.

Atu nune'e grupu sira transferensia Kooperativa ho nia substentabilidade, entermos organizasaun ,  jestaun ho finanseiru  no ita hatene katak rendementu sira ne'ebe mai husi membru ida-idak.

Depois tau fali sira nia kapital iha ne'eba maibé tinan lima ho  objetivu cresimentu ekonomia nivel  familiar, atu nune'e bele kontribui nivel makro nian.

Ida ne'e sai asuntu iha fatin ne'e husi Sekoop ho CRS asina MoU ne'e hodi fasilita kapasita movimentu Kooperativa, no implementasaun programa sira ne'e durante tinan lima nia laran.

Ho implementasaun sira ho nia break down ho asina MoU ida ne'e, depois saida mak atu halo husi Sekretariu Estadu Kooperativa (Sekoop) ho Catholic Relief Services.

Ha'u hanoin asina ona depois hasai lei ruma hodi kesi parte rua ne'e, ne'ebé ofesial ona signifika komesa ba oin saida mak atu implementasaun ba atividade sira ne'e no basea ba konteudu ne'ebé iha.

Ne'ebé Sekoop hamutuk ho CRS sai ona parseriu no saida mak atu halo no parte tekniku sira tur hamutuk atu hahú husi ne'ebé bazea ba atividade sira ne'ebé iha.

Iha fatin hanesan Country Manager, Yane Tamanob Pinto hateten, ohin  marka espesial ba CRS asina MoU ho Sekoop atu servisu hamutuk oinsa atu kapasita to'os na'in sira ne'ebé hakarak involve a'an iha Kooperativa.

"Ita fasilita to'os na'in  sira ne'ebé hakarak envolve a'an iha kooperativa atu bele hetan apoiu husi  SeKoop nia tekniku sira,  maibé CRS  nafatin servisu hamutuk ho SeKoop hodi hare'e asuntu sira ne'e," Nia esplika

Tanba ne'e, Catholic Relief Services (CRS)  hanesan Organizasaun Internasional ida husi Estadus Unidus America mai iha Timor-Leste hari'i   ona grupu hanesan to'os na'in ne'ebé bolu grupu rai no impresta  osan husi komunidade sira nia  iha munisipiu 5.

Agora tuir dadus  total grupu ne'ebé CRS servisu  hamutuk ho to'os na'in hamutuk  784, nune'e kada  membru iha grupu ema na'in 20 too 25.

Nune'e   rai sira nia osan depois  mos impresta husi grupu ho funan ne'ebe  sira tau hamutuk, Kada grupu iha ona estatuta no sira mos hakarak spam halo boot sira nia grupu atu bele fo benefisiu ba ema seluk iha sira nia suku no sira mos hakarak hare'e kooperativa

"Entaun  ami halo aproximasaun ho ekipa husi SeKoop no ohin l realiza duni asina MoU hamutuk, Ida ne'e  atu formaliza servisu hamutuk entre CRS ho SeKoop ba area ida ne'e," Nia reafirma.

Nia dehan, asina MoU ida ne'e  ba tinan tolu nia maibé iha tinan ida ne'e  no tinan oin foin  bele komesa halo  implementasaun saida mak aseita ona hamutuk ho sekoop

"Agora dadaun CRS implementa projetu iha munisipiu  5 no ami hakarak prioridade ida ne'e ba ema nia grupu, ne'ebé estabelese iha munisipiu  lima ne'e n la taka dalan ba munisipiu sira seluk," Nia tenik

Karik  iha Orsamentu  foun CRS mos hakarak spam ami nia grupu seluk no mos iha munisipiu sira hodi  Kontinua hamutuk ho SeKoop atu  bele fo treinamentu tekniku iha area kooperativa

"Kona-ba orsamentu depende kada projetu, ami nia  kada iha orsamentu rasik,  maibe mos hanesan organizasaun ami mos iha orsamentu  privadu  sei uza ida ne'e atu fasilita go treinamentu ba grupu sira," Nia esplika

karik doador sira laiha alokasaun iha sira nia orsamentu  ba CRS , nune'e iha munisipiu lima ne'ebé agora dadaun CRS implementa hela projetu iha Bobonaru, Baucau Lautem Likisa no Vikeke.

Maibé Catholic Relief Services (CRS) implementasaun projetu remata ona iha Likisa  tinan ida liu ba nune'e  grupu sira ne'e  sei kontinua  halo sira nia atividade.

"Ami laiha orsamentu alokasaun kusus ba ida ne'e  maibé depende ba nesesidade tanba ami sei iha diskusaun kona-ba ida ne'e,  tanba ne'e  iha asina  MoU la temi kona-ba orsamentu  tanba iha ne'eba defini  jeral deit atu kapasitasaun ba  grupu Kooperativa sira," Nia esplika

Depois CRS  sei review  fila-fali no iha posibilidade atu estende MoU ida ne'e , ami apresia ba oportunidade  ida ne'e CRS la bele lai mesak maibé suporta husi governu liu husi nia ekniku sira atu bele ajuda diak liu tan ba komunidade sira.