SEKomS Apoia Subsidiu ba Rádio Komunidade 17 Featured

By Ivonia Varela Novembru 25, 2023 984
Sekretáriu Estadu Komunikasaun Sosial Expedito Loro Dias Ximenes entrega dokumentus asina akodu ba Jestór Radio Komunidade Lospalos, iha Salaun PCM, Palasiu Governu, (24/11/23). FOTO: Media Gabinete SEKomS. Sekretáriu Estadu Komunikasaun Sosial Expedito Loro Dias Ximenes entrega dokumentus asina akodu ba Jestór Radio Komunidade Lospalos, iha Salaun PCM, Palasiu Governu, (24/11/23). FOTO: Media Gabinete SEKomS.

DILI: Nonu Governu Konstituisionál liu-husi Sekretária Estadu Komunikasaun Sosial (SEKomS) apoia subsidiu ba rádio komunidade 17 iha teritoriu laran tomak, hodi fortifika liu tan sira nia servisu.

Sekretáriu Estadu Komunikasaun Sosial Expedito Loro Dias Ximenes hatete, objetivu husi apoiu ne’e, atu ajuda radio komunidade sira atu halo kobertura ba atividade komunidade sira nian tanba sira mak besik liu povu iha nivél baze.

Nune’e, Governu liu husi SEKomS apoiu orsamentu ba radio komunidade sira atu ne’e sira bele fortifika sira nia servisu tanba sira mak sai liña frenti ba iha komunidade hodi pasa informasaun.

Governante ne’e afirma, subsidiu ne’ebé apoiu ba radio komunidade sira, kada rádio ho montante ne’ebé diferensia tanba nesesidade ne’ebé sira presiza la hanesan.

“Rádio komunidade sira ita presiza fortifika no fó atensaun tanba radio komunidade balun la iha kondisoens ne’ebé di’ak, atu sira bele hala’o knar komunidade sira nia lee, tan ne’e mak ohin IX governu Konstituisionál liu husi nia orsamentu hodi fó apoiu liu akordu ne’ebé ohin asina,” dehan nia, iha serimonia asina akordu, iha Salaun PCM, Palasiu Governu, (24/11).

Nia haktuir, orsamentu ne’ebé SEKomS apoiu tuir akrodu ne’ebé iha, katak osan mai husi tinan 2023 nian, tanba ne’e husu ba jestór rádio komunidade sira atu jere osan ne’e didiak tuir nesesidade ne’ebé iha.

 Enkuantu iha tinan 2024 Governu sei hare fila-fali ba orsamnetu 2024 nian maibé la promete.

Iha fatin hanesan, Jestor Rádio Komunidade Lospalos Nascimentu Provincial hatete, rádio komunidade hanesan paseriu ho govenru ne’ebé asesu mos fundus transferensia públiku, tan ne’e importante tanba radiu komunidade sai linha frente ba area komunikasaun iha nivel baze.

“Ne’e pasu ida ne’ebé importante, tanba radio komunidade hanesan linha frente iha komunikasaun, entau ho fundus ne’ebé governu apoiu ba ami, maske ida ne’e hanesan naha todan, maibé ne’e hanesan parte ida ne’ebé ami bele dezenvolve an hodi bele fó informasaun ne’ebé di’ak ba komunidade sira,” dehan Jestór.

Nia akresenta, iha akordu ne’e SEKomS apoiu orsamentu ba rádio komunidade lospalos ho montante dolar amerikanu $7.000 no orsamentu refere sei uza ba programa radio komunidade nia inklui administrasaun.

Nia afirma tan, orsamentu ne’ebé sira hetan seidauk sufisiente maibé ida ne’e mak kbiit Governu nia tan ne’e sira jere osan ne’e didiak tuir nesesidade ne’ebé iha.

Entertantu, Jestora Rádio Komunidade Rai-Husar Aileu Maria Sarmento Guterres hatete, orsamentu ne’ebé governu apoiu ba sira ho montate rihun $6.000, no ida ne;e sufisiente ona ba rádio komunidade  Rai-Husar Aileu.

Tan ne’e, iha nia parte hato’o agradese ba SEKomS, no osan hirak ne’e sei uza ba kobertura no uza hodi halo kompleta tan fasilidade no mos ba admiistrasaun.

Entretantu, montante subsidiu ne’ebé Governu liu husi SEKomS apoia ba rádio komunidade 17 hamutuk dolar amerikanu rihun $100 resin.

Enkuantu, rádio komunidade 17 ne’ebé hetan apoiu husi Governu mak hanesan, Radio Komunidade Rai Husar Aileu, Radio Komunidade Matebian Baukau, Radio Komunidade Sahe Bukoli, Radio Komunidade Lian Manu Koko Atauru, Radio Komunidade Defisiensia, Radio Komunidade Mauloko Maubesi, Radio Komunidade Koba Taroman Suai, Radio Komunidade  Atoni Lifau Oekussi, Radio Komunidade Loriku Lian, Radio Komunidade Povu Vikeke, Radio Komunidade Tokodede Likisa, Radio Komunidade Kafé Ermera, Radio Komunidade Ili Wai Manatuto, Radio Komunidade Lospalos, Radio Komunidade Dom Boavnetura Same Manufahi No Radio Komunidade Maliana.

Rate this item
(0 votes)
Last modified on Sábadu, 25 Novembru 2023 22:17

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30