Sekretaria Estadu Igualidade no Inkluzaun, Maria do Rosário de Fátima Correia, hatete, Planu Asaun Nasionál Violensia Bazeia Ba Jéneru (PAN-VBJ) ne’e mai husi Lei Kontra Violénsia Doméstika (LKVD) no Planu Asaun Nasionál Violénsia Bazeia ba Jéneru (PAN-VBJ) ne’e rasik iha pilár importante tolu (3), mak hanesan, Prevensaun, Servisu Essensiál, Asesu ba Justisa, entertantu Monitorizasaun no avaliasaun integra iha kada pilár tolu iha leten.

Nia dehan, Ministériu Justisa hamutuk ho sosiedade sivíl hanesan ALFeLa fó asisténsia legál no motivasaun ba vítima sira hodi bele relata sira-nia kazu tuir prosesu formál, Ministériu Justisa mak reprezentante vítima sira.

"Maibé ho prezensa LKVD nia vítima sira iha direitu atu hetan asisténsia legál husi Defensoria Públiku no Advogadu,"haktuir komunikadu ne'ebé Online INDEPENDENTE sita, segunda ne'e (02/01).

Entretantu, PAN-VBJ faze datoluk ne'e sei sai hanesan Matadalan ba Governu no parseiru implementadora Nasionál no Internasionál ba Prevensaun Violénsia Bazeia ba Jéneru iha Timor-Leste ho durasaun tinan sanulu (2022-2032).