Tuir komunikadu ne’ebé Online INDEPENDENTE asesu husi Midia Santa Sé relata, Papa Emerito Bento XVI mate ho idade 95, iha nia rezidensia iha kongregasaun Mater Ecclesiae iha vatikanu.
“Ho laran triste, ami fó hatene ba sarani sira katak Papa Merito mate iha loron ohin (31/12), iha kongresaun Biara Mater Ecclesiae iha vatikanu,” haktuir komunikadu refere.
Tuir orariu, iha loron 02 fulan-Janeiru 2023, Papa Bento XVI nia isin mate sei tau iha Basilika Santo Petrus Vatikanu.
Entretantu, Papa Bento XVI ho naran los Joseph Alois Ratzinger no moris iha loron 16 fulan-Abril tinan 1927, iha Baviera, Alemanha.
Enkuantu, Papa Bento XVI sai hanesan servidór ba 265 hanesan Papa ba Igreja Katolika Romana iha 19 Abril tinan 2005 to’o hato’o nia rezignasaun iha 26 Fevereiru 2013.
Ho nune’e, Papa Bento XVI lidera Igreja Katolika Roma, durante tinan ualu to’o tinan 2013 no nia hanesan Papa dahuluk ne’ebé rezigna-aan dezde Papa Gregorius XII iha tinan 1415.
