Diretora Nasionál Relasaun Públika no Média husi SEI, Maria Filomena Babo Maritins hatete, Sekretáriu Estadu Igualidade hahú halo konsultasaun ho ekipa Sekretáriu Estadu Formasaun Profesionál no Empregu oinsá atu prevene Violénsia no asedu sexsuál iha servisu fatin.

"Objetivu husi enkontru ne’e, konsultasaun kona-ba Violénsia  Bazeia ba Jéneru atu hatene, oinsá  servisu hamutuk SEI servisu hamutuk ho SEFOPE  durante ne’e hodi prevene violénsia no asediu seksuál iha servisu fatin,"dehan nia iha komunikadu Impresa ne'ebé mak INDEPENDENTE, asesu liu husi pájina SEI, (04/12).

Nia dehan Sekretáriu Estadu Igualidade iha grupo traballu iha liña Ministerias hotu inklui ho SEFOPE oinsat atu atije Igualidade jéneru Inklusaun Sosiál n Violénsia Bazeia ba Jéneru.

"SEI servisu hamutuk ho SEFOPE hare'e kona-ba lei traballu doméstiku, ema sira ne’ebé mak kuidadu ba ema, violénsia bazeia ba jéneru ko’alia liu ba servisu ne’ebé mak agora daudaun feto sira ne’ebé mak bele hetan risku iha violénsia seksuál, asediu seksuál,"nia dehan.

Nia afirma SEI Sujere ba ekipa husi SEFOPE atu fó formasaun ba servisu inan feto sira ne’ebé mak sai ona kandidata atu ba servisu iha rai li'ur.

"Hanesan Austrália fó formasuan kona-ba violénsia bazeia ba jéneru hodi nune’e sira bele hatene tipu violénsia bazeia ba jéneru oinsá mak sira hatene no reponde ba violénsia seksuál no asediu seksuál ne’ebé mak dala barak ema hanoin katak asuntu asediu seksuál ne’e normál hela la’os kategoria ba violénsia,"Nia afirma.

Nia informa tanba ne'e sira presiza atu hatetene no difine violénsia no oinsá atu bele halo keixa bainhira hasoru violénsia ruma.

"Tanba ne’e sira presiza hatene,  definisaun kona-ba violénsia no oinsá sira atu responde no hato’o keixa, bainhira sira hasoru violénsia sira ne'e," nia hakotu.