Tuir komunikadu ne’ebé online INDEPENDENTE asesu katak, SEI Aprezenta mós faze Datoluk hosi Deklarasaun Maubise (2023-2028), ne’ebé fó kontinuasaun ba faze anterior sira, ho foka-liu ba empoderamentu ekonómiku feto rurál nian sira no ema ho defisiénsia.
“Faze ida-ne’e aliña ho prioridades Governu Konstitusionál IX nian no rekomendasoins husi Konvensaun sobre Eliminasaun hosi Forma Hotu-hotu Diskriminasaun nian kontra Feto (CEDAW),” dehan Komunikandu ne’ebé Online INDEPENDENTE Sita, Kuarta (25/09).
Tuir Komunikadu katak, Kompromisu prinsipál husi faze ida-ne’e fahe ba área tolu, inklui Kapitál Sosiál, ne’ebé abranje protesaun sosiál, edukasaun inkluziva no kuidadus saúde.
Aliende ne’e, foka mós ba prevensaun violénsia bazeia ba jéneru no melloria kuidadus saúde materna; Infraestruturas, ne’ebé promove asesu ba merkadu seguru no asesivel, dezenvolvimentu estradas, saneamentu no edifísius públikus adaptadus, ho énfaze ba transporte públiku inkluzivu, no ekonomia, ne’ebé fó prioridade ba dezenvolvimentu agríkola, empreendedorizmu feto no asesu kréditu ba feto rurál sira, hodi reforsa sira-nia partisipasaun iha setór hanesan turizmu no agrikultura.
Nune’e, halo mós reforsu ba mekanizmu monitorizasaun hodi garante implementasaun husi kompromisu sira-ne’e.
Tanba ezekusaun ne’e lidera husi instituisaun governamentál-xave oioin, inklui ministériu relevante sira no Banku Nasionál Komérsiu Timor-Leste (BNCTL, Sigla iha Lian Portugés) ne’ebé asegura konkretizasaun efikás ba medida sira ne’ebé prevee ona.