“Importante ba adidu sira mak tenke kontrola traballador Timoroan sira ne'ebé infrenta problema ho empregadór sira, iha sira nia servisu fatin no hare mós sira labele halai ses husi sistema,” dehan nia, ba Jornalista sira iha salaun SEFOPE, Kaikoli, (18/01).

Aliende ne’e, presiza akumula traballadór sira hodi dezamina informasaun, konverse sira atu labele kontra regulamentu ne'ebé iha no kontrola sira hodi labele sai  husi sistema.

SEFOPE sempre halo avaliasaun ba adidu sira iha kada tinan, iha Korea Súl, tanbá uluk ho situasaun pandemia Covid-19 la halo avaliasaun adidu ho traballador sira.

Entretantu, tuir dadus ne’ebé SEFOPE rejista traballadór ne’ebé halai ses husi Sistema hamutuk 812 kompostu husi mane na'in 638 no feto na'in 174.