Diretór Jeral Formasaun Profosionál no Empregu Carlito Rosario Cabral hatete liu husi konferensia imprensa katak, hafoin halo avaliasaun entre tékniku sira ho SEFOPE, iha mudansa alterasaun balun ne’ebé presiza halo, bazeia ba númeru kandidatus iha munisípiu sira no mós bazeia ba SEFOPE nia forsa traballo ne’ebé atu mobiliza ba implementasaun programa refere.
Nia dehan, Hafoin SEFOPE halo tiha abertura ba programa teste lian Inglês ba kandidatus traballadór sira ne'ebé atu ba servisu iha Austrália, durante loron rua, hahu Husi loron 24-25 fulan fevereiru, tinan 2024 iha RAEOA hatudu katak prosesu lao ho diak.
“Depois ami halo avaliasaun entre ami tekniku sira ho SEFOPE, iha mudansa no alterasaun balun ne'ebé ami presiza halo, bazeia ba numeru Kandidatu husi Munisípiu sira no bazeia mós ba forsa traballu husi SEFOPE nian ne'ebé atu mobiliza ba implementasaun programa refere, ho nune'e ami enkontru konsellu Diretór ho sua Exelensia Sekretáriu Estadu rasik, hodi deside halo mudansa ba iha Munisipiu balun,” dehan Diretór Jeral iha Salaun SEFOPE kaikoli, Tersa (27/02).
Nia afirma, mudansa ba data teste lian Inglês ba iha munisipiu balun ho razaun maka, halao teste ba Munisipiu 4 ho tempu hanesan maka ami nia Rekursu umanu la sufiesente hodi apoia ba teste iha data ne'ebé hanesan, razaun seluk mak iha fulan Marsu sei selebra loron Paskua, nune’e tenke fo espasu ba ema sira ne'e, hodi ba partisipa iha loron refere.
Nune'e sira fó sai ba publiku no Kandidatus sira atu hatene, Munisipiu ne'ebé Mak iha mudansa uitoan konabá data implementasaun ba teste eskrita ba Kandidatus sira.
Tan ne’e ba munispiu sira ne’ebé halo mudansa ba orariu teste mak hanesan, Munisipiu Bobonaro no Munisipiu Atauro, 23-24 fulan-Marsu 2024,
No Munisipiu Lautem no Munisipiu Manatuto, sei teste iha loron 6-7, fulan-Abril Munisipiu Dili no Munispiu Dili sei teste iha loron 11-13, fulan-abril tinan 2024, hafoin remata Paskua.
Tan ne’e, SEFOPE Husu ba Kandidatus sira ne'ebé iha Munisipiu ne'ebé sira ne’ebé halo ona mudansa ba órariu teste pasensia uitoan, hodi nune'e bele prepra an halo diak liu tan.
Enkunatu, kriteira sira liu-liu kona ba oinsá mak bele pasa iha teste ida ne'e , SEFOPE fó sai matéria Eskrita perguntas 50, konsidera metade husi perguntas ne'e mak los, nia bele pasa ba iha Entrevista, husi numeru 50 ne'e numeru 25 tenke los no sei hili ho A.B.C.