Sekretáriu Estadu no Floresta, Fernandino Vieira da Costa hatete, halo lansamentu ba rekapitulasaun ba dadus produsaun ai-oan ne'ebé atu distribui iha viveirus sira ba epoka tinan 2023 ni’an.

Nia dehan, hanesan fatin  Viveirus permanente Maubara, Munisipiu Likisa, Viveirus permanente Pato, Munisipiu Lautem, Viveirus Permanente Ratao. Munisipiu Vikeke, Viveirus Permanente Betano, Munisipiu Manufahi,

Nune’e mos, Viveirus Komunitaria 8 iha Munisipiu Aileu, Ainaro, Baukau, Bobonaro, Kovalima, Dili, Ermera no Manatuto.

Nia afirma, Viveirus Departementu Bacias Hidrograficas, Viveirus Projetu AFOCO 026 iha Manatuto no Aileu, Viveirus Sentru ai parapa, Viveirus Kafe no Mahon kafe, Viveirus ba Plantas Industriais.

Tipu ai-oan sira ne'ebe produz maka hanesan  ai-kameli, Ai-mahoni, Saria, Samtuku, Gaharu no seluk tan, tipu ai konservasaun maka hanesan ai-hali, ai-kakru, Borro, Au, ai-kafe (lamtoro), Gamal, Duut vetiver, ai-matan dukur, ai-turi no seluk tan.

Tipu Ai-oan urbana hanesan hali Portugal, Ketapang, Ai-kase, Camblong, Tebabuya, Nimba no seluk tan, tipu ai-agroflorestal ai-fuan maka hanesan Sabraka ka Tanjarinha, Rambutan, Has, Kulu jala, Marungi, Kaiju, Al-ata, Kafe no seluk tan.

Tipu ai-mahon kafe no ai-oan kafe maka hanesan  Samtuku, Al-Kakeu, Al-kafe (lamtoro) no kafe oan, tipu ai-oan ba plantasaun Industriais maka hasesan Cacao, Nuu, Kaiju, Kamii, Bua, Baunila no Pimenta.

Nia reforsa, Ai-oan ne'ebé prepara iha tipu 4 maka hanesan ai-oan produsaun,  ba konservasaun rai no bee, ai-oan ba urbana,  ai-oan ba agro-florestal ka ai-fuan, ai-oan ba mahon kafe no ai-kafe oan, ai-oan ba plantas industriais.

Nia informa, totál ai-oan ne'ebé prepara iha viveirus sira maka hanesan viveirus permanente Maubara, 61,200 pes, Viveinus Permanente Lautem, 20,867 pes, Viveirus Permanente Vikeke, 20,000 pes,  Viveirus Permanente Manufahi, 24,000 pes, Viveirus Komunitaria 80.000 pes no Kada viveirus Komunitaria produs 10.000 pes.

Purtantu Viveirus Projetu AFOCO 026 iha Manatuto, 152,000 pes no Aileu, 15,000, Viveirus Departamentu Bacias Hidrograficas, 16,398 pes, Viveirus Sentru Parapa, 21,000 pes,  Viveirus mahon kafe 50,000 no Kafe oan 200.000 pes, Viveirus ba Plantas Industriais 35,000 pes Total hamutuk 695,463 pes.

 Ai-oan sira-ne'e sei distribui gratuitu ba  Komunidade, Agencias, ONG's, Instituisaun Estadu, Eskola, Akademiku sira hodi kuda iha to’os ka area ne'ebe sira planu hodi hala’o atividade reflorestasaun.