Sekretáriu Estadu Floresta, Fernandino Vieira da Costa hatete, relasiona ho problema Korpu Guarda Floresta, iha Munisípiu Lautém ni’an falta Ró hodi kontrola tasi no difikulta mós ba sira atu kontrola Rusa sira iha illa Jaco Tutuala, no Parke Nasionál Nino Conis Santana, preokupasaun no problema sira ne’e iha hotu ona ba planu sei rezolve tuir orsamentu ne’ebé maka aprova ona.
“Hau hanoin Ministériu Agricultura, Pecuária Pesca no Florestas (MAPPF), ba tinan ida ne’e ita sosa ró ba peskador sira ne’ebé maka durante ne’e ladun apoiu ba peskas nian ne’ebé maka hanesan iha, karik husi Postu Tutuala nian liu-liu iha Parke Nasionál Nino Conis Santana, ita iha Parke Nasionál Terestre no Marina nian ne’ebé maka hanesan iha Jaco, Tutuala nian iha posibilidade urjentemente ho orsamentu ne’ebé sosa ró iha ita sei apoiu tan iha ne’ebá hodi nune’e sira bele utiliza halo kontrolasaun ba ita nia área sira ne’ebé maka risku ba ilegais,” Dehan Sekretáriu Estadu Floresta, Fernandino liu husi Komunikadu Imprensa, ne’ebé INDEPENDENTE, iha Pajina SEF, Tersa (20/2).
Nia hateten, Peskas ilegais ne’ebé akontese iha teritoria laran liu-liu parte sul nian ne’e problema ne’ebé maka tinan-tinan sempre akontese ida-ne’e laos responsabilidade mai deit MAPPF, maibe servisu hamtuk ho ita Polisia Maritima sira, no F-FDTL ne’ebé iha nune bele halao patroilamentu kontrola ba ilegal sira ne’ebé akontese iha kosta súl.
Nia haktuir, relasiona ho servisu Korpu Guarda Floresta ne’ebé destakada iha Postu Tutuala, nia funsaun atu fo protesaun ba Parke Nasionál Terestre no Marina, Korpu Guarda Floresta balun kontratu determina iha 31 dezembru 2023, agora dadauk ekipa ne’ebé iha prosesu avaliasaun ne’ebé kompostu husi Diretór Jerál, Diretór Nasionál no Asesores sira halo avaliasaun ona hanoin nia tempu badak sei renova fila-fali kontratu ne’ebé maka iha, servisu tuir prosedimentu regras funsaun búpliku nian ne’ebé maka iha.
