SE Maria: Sedu Akuza Feto Soe Bebé Featured

By INDEPENDENTE Outubru 06, 2018 2442
Sekretaria Estadu Igualdade Inkluzasaun (SEII) Maria Fornseca Monteiro  Sekretaria Estadu Igualdade Inkluzasaun (SEII) Maria Fornseca Monteiro

DILI: Bainhira ema hetan bebé nia mate-isin, ema sempre kondena feto mak so’e, maibé la haree kauza ka razaun ne’ebé iha hodi so’e bebé.

Sekretaria Estadu Igualdade Inkluzasaun (SEII) Maria Fornseca Monteiro  hatete, loos duni katak feto mak kous bebé iha nia knotak, maibé labele akuza uluk feto mak ho intensaun rasik soe nia bebé.

“Sim, feto mak kous bebé iha knotak, (maibé) balun isin-rua tanba violasaun sexual. La’os  ema hotu halo ho vontade rasik, dala-ruma feto ho moras mental (bainhira) bebé moris (nia) so’e ba dadaun. Sosiadade ou publiku la hatetene dehan feto mak so’e bebe e dala-ruma inan-aman balun dezkontente ho bebé ne’e mak so’e ba fatin ruma,” dehan Sekretaria Estadu ne’e.

Tan ne’e, nia husu ba públiku atu labele ansi akuza feto soe ka abandona bebé tanba karik iha kauza balun ne’ebé halo nia soe bebé.

“Parte família no sosiedade hotu, presiza mós média sira atu fó informasaun ba públiku ho loloos atu ema labele hela ho duvida de’it ba feto,” dehan nia.

Ba problema soe bebé, nia dehan, nia parte sei koopera ho instituisaun relevante sira hodi fó advokasia ba familia no sosiadade hodi bele kompriende.

“Ami sei kontinua halo adovokasia ba instituisaun hotu atu haree situasaun ne’e bele hamenus,” dehan nia.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31