Santos ba PR Horta: Bayu Undang Maran iha Tinan Ne’e Featured

By Cristina Ximenes Juñu 16, 2022 250
Mina Timor. Foto: Dok/INDEPENDENTE Mina Timor. Foto: Dok/INDEPENDENTE

DILI: Kompañia Santos aprezentas ba Prezidente Republika, José Ramos Horta katak, posibilidade perfurasaun mina iha Bayu Undang sei termina iha tinan ne’e, tanba mina iha kampu ne’e hahú maran ona.

“Bayu Undang ninian produsaun maizumenus atu hotu ona iha tinan ne'e,” dehanChief Executive Officer (CEO) kompañia Santos, Kevin Galllagher, iha Palasiu Prezidensial Bairru-Pite, horisehik.

Nia esplika, tuir estimasaun produsaun bele hotu iha tinan ne’e ka tinan oin, maski nune’e kompañia esforsu masimiza produsaun iha kampu ne’e.

Ne’e duni, bainhira prosesu produsaun hotu ona entaun tenke halo desmantelamentu.

Nia dehan, hanesan atu hamoos fasilidade sira ne'e bele halo mós iha Timor-Leste, iha ne’ebé bele lori servisu no benefisiu ba Timor-Leste.

Rate this item
(0 votes)

Independente Digital TV