Númeru votante ne’e rekolla provizoriamente husi resenseamentu iha rai laran no estranjeiru. Maski nune’e, seidauk kompletu tanba iha fatin balun seidauk hatama hotu.

Rezultadu loloos husi eleitór hirak mak sei tuir eleisaun antesipada, STAE sei fó sai iha loron 12 Abríl.

Diretór Jerál STAE, Acelino Manuel Branco hateten, resenseamentu ne’e hetan entuziazmu makaas husi eleitór sira, maibé tanba hala'o bazeia ba kalendáriu ne’ebé iha tenke termina iha loron 28 Marsu 2018.

Kona-ba númeru resenseamentu husi estranjeiru nian hatama dadus via ínternet, kona-ba rai laran nian maka sei halo manuál, tanba ei tuun ba baze hodi rekolla dadus hotu-hotu.

Totál sira ne’ebé halo resenseamentu iha estranjeiru mak hanesan husi Reinu Unidu (Inglaterra) 2.128, Portugál 738, Irlanda do norte 1.287, Koreia Súl 537 no Austrália 1.533.

Nia dehan, kona-ba prizioneiru sira iha Gleno no Bekora, MAE kria tan kondisaun halo alteralsaun ba dekretu lei balun atu fó oportunidade ba sira ne’ebé oras ne’e enfrenta hela situasaun ne’e hanesan mós sira ne’ebé iha ospitál. Tanba ne’e, koopera mós ho ministériu Justisa hodi aprezenta sira nia lista ba STAE hodi bele halo preparasaun ba lojístika sira.

Tanba ne’e, haruka ona téknika sira ba ona terrenu atu koopera ona ministériu Justisa no saúde atu kria kondisaun ba ospitál referral sira atu bele rekolla dadus ba moras sira no família sira antes ne'ebé haree loron sanulu ba eleisaun.

Nune’e, haruka karta ba ministériu Defeza no Seguransa atu haruka mós membru sira ne’ebé sei halo seguransa ba eleisaun, atu sira bele vota iha fatin ne’ebé sira seguransa ba.