“ABRI Masuk Desa ida ne’e ha’u dehan ABRI ne’e masuk, maibé ita la masuk, maibé ita-nia ema kondisaun iha ne’e maka planu rekrutamentu nian ne’e prioridade enjeñaria, depois ba mariña,” dehan nia, iha Palasiu Prezidensiál, Bairru-Pité, horisehik.
Nia haktuir, enjeñaria aumenta atu F-FDTL ne’e aban bainrua bele tama ba fatin remota sira ne’ebé populasaun ne’ebé moris estrada laiha, hariis fatin laiha, bee laiha sira bele halo ne’e maka bolu ABRI Masuk Desa ne’e.
“La'ós Indonézia maka hanorin ita, ita nu’udar ema sentimentu umanu ne’e ita iha ne’e ita ajuda malu tanba forsa baibain ita dehan forsa bainhira funu laiha ne’e toba hader-toba hadeer laiha, funu laiha ba servisu, halo toos halo natar ba populasaun, kuda hare ba populasaun, halo estrada, halo uma, ne’e maka forsa nia servisu, se lae bolu forsa ne’e toba-hadeer toba-hadeer de’it,” haktuir nia.
Elojiu F-FDTL Apoia Komunidade Fronteira
Entretantu, Jenerál Lere elojiu ba ofisial F-FDTL sira iha área fronteira ne’ebé hasai inisiativa apoiu komunidade ho sira-nia osan rasik, hadi'a komunidade kbiit laek balun nia hela fatin ka apoiu hahán tuir sira-nia kbiit.
“Ha’u elojiu, ha’u-nia ofisiais sira ne’ebé iha fronteira ne’e sira iha inisiativa rasik, sentimentu umanu hanesan bainhira haree faluk ruma ka ema kiak ruma sira tau osan $1 ka $2 hamutuk ka sira nia osan rasik sira ajuda halo nia uma ka fó hahán,” dehan nia.
