“Autoridade sei foti risku hodi aluga ró suplay mina no nesesidade baziku husi Dili mai Oecusse. Ida ne’e autoridade nia senariu ikus atu bele solusiona problema,” dehan Arsénio Paixão Bano ba jornalista sira iha edifisiu ZEESM, horseik.
Nia haktuir, felismente ró Success avaria durante semana rua resin ona no la halo operasaun. Ida ne’e fó impaktu ba atividade iha RAEOA, liu-liu kona ba suplai mina ba EDTL Sakato, mina ba transporte no nesesidade baziku.
“Planu prioridade iha semana ne’e, ami tenki asegura mina ba EDTL hodi ahi labele mate, depois kontinua buka gazolina ba populasaun sira,” tenik Bano.
Nia haktuir, diskusaun la’o hela ho parte Aportil to’o Ró success bele iha solusaun. Sasan hirak ne’ebé atu transporta sei hare liu ba hahan ka alimentasaun sira.
“Kona ba sasan folin sa’e parte autoridade sei akompaña no sei buka solusaun liu husi AIFAESA hodi halo intervensaun lalais iha merkadu,” informa Bano.
