Sekretária Estadu Igualdade, Elvina Sousa Carvalho informa, tuir dadus ne’ebé nia parte hetan, iha feto 400 mak sei kompete iha eleisaun orgaun komunitariu.
“Númeru sira ne'ebé mak ekipa SEI rejista mak husi munisipiu 13, (feto) kandidatu Xefe Suku hamutuk 145, kandidatu (feto) ba xefe aldeia hamutuk 255,” informa Elvina iha nia knar-fatin, Sesta (13/10).
Ida ne’e, nia dehan, nu’udar númeru provizoriu tanba daudauk ne’e sei iha hela prosesu rejistasaun nian, nune’e espera katak númeru kandidatu feto sei aumenta barak liu tan.
Nia dehan, SEI nia papel mak oinsá atu enkoraza feto sira atu kandidata an no fó korajen ba komunidade sira hodi fó konfiansa ba feto sira atu bele sai líder komunitariu.
