Prosesu Konstrusaun Estrada Iha Embaxada Japaun Oin Atinje Ona 70%

Novembru 26, 2024

Nasional

Prosesu Konstrusaun Estrada Iha Embaxada Japaun Oin Atinje Ona 70% ^Featured

By Komunikadu Imprensa Maiu 04, 2021 1039

Estrada at ne'ebe estragus husi inundasaun iha palapasu, Embaxada Japaun nia oin. Foto Independente.

DILI:Ministru Obras Pùblikas (MOP), Arq. Salvador Eugénio Soares dos Reis Pires, kontinua orienta tékniku sira hodi akompaña projetu emerjénsia ba rekonstrusaun estrada protokolu iha embaixada Japaun oin, nune'e iha Tersa-feira ne'e, Diretór Jerál Obras Publikas (DJOP), Rui Hernani, akompaña husi tékniku sira halo observasaun direita ba progressu rekonstrusaun permanente ba estrada protokolu iha embaixada Japaun oin ne'ebé monu kauza husi inundasaun 04 Abril 2021.

Tuir komunikadu husi Gabinete MOP, ne'ebe Online Independente asesu, iha tersa (4/5) hatete, rekonstrusaun permanente ba estrada protokolu ne'e hala'o ho emerjénsia husi kompañia Montana Diak, daudauk ne'e atinji ona pursentu 70 (70%) no kompañia kontinua halo esforsu no sei finaliza tempu badak.

Rekonstrusaun ba estrada refere hala'o hahu iha loron 20 fulan-abril 2021, hafoin hetan desizaun husi Konsellu Administrasaun Fundu Infraestrutra (KAFI) no realizasaun kontratu ba kompañia konstrutór hodi konstrui estrada ne'e ho emerjénsia.

Entretanto, inundasaun ne'ebe akontese iha loron 4 fulan-abril rezulta ponte 11 no estrada 22 mak hetan estragus.

Asisten Editor:Saturnina da Costa

Rate this item

(0 votes)

Last modified on Kuarta, 05 Maiu 2021 07:57