Vise Ministru Komersiu Industria, Augusto Junior Trindade hatete, loron boot komemorasaun 20 Maiu ba dala-22 Ministériu sei loke feira iha kada Munisipiu hodi bele promove produtu lokál.
" Atu konkretiza selebrasaun ne'e, ita estabelese ona komisaun organizadora ida ne'ebe orientada ba preparasaun no realizasaun aktividade ne'e Ministeriu tuir Despaisu ne'e toma responsabilidade hodi organiza Feira no Noite de kultura"dehan nia ba Jornalista sira iha Portu Dili horisehik (16/04).
Nia dehan,Basea ba resposavel ne'ebe mak MKI hetan liu husi Despaisu Primeiru Ministru ne'e mak hahu kedas organiza no mobiliza preparativus hotu hahu husi Defini objektivu, Preparasaun aktividade, Lokalizasaun aktividades, Planu orsamentu logistiku, Kalendariu implementasaun no Artista.
Aktividades: Feira Produto Lokal, Nesesidades basiku, Promosaun Produtu Industriais Nasionál e Noite de kultuira e Divertimentu muzika Lokalizasaun aktividade Munisipiu 13 inklui RAEOA.
Kalendariu ba Realizasaun atividade feira mak hanesan;Munisipiu Bobonaro no Munisipiu Baucau komesa iha Loron 18 to'o 20 Abril,Munisipiu Lautem no Munisipiu Covalima komesa iha Loron 19 to'o 21 Abril 2024, Munisipiu Manufahi no Munisipiu Ermera komesa iha loron 25 to'o 27 Abril.
Munisipiu Ainaro no Munisipiu Liquica komesa iha loron 2 to'o 4 Maiu,Munisipiu Manatutu komesa iha loron 3 to'o 5 Maiu, Munispiu Viqueque no Munisipiu Aileu komesa iha loron 9 to'o 11 Maiu, RAEOA komesa iha loron 10 to'o 12 Maiu no Dili 15 to'o 20 Maiu 2024.
Artista sira ne'ebé sei partisipa ba feira ne'e rasik mak mai husi Banda Muzika Nasionál no Lokal ho total Orsamentu ne'ebé Ministériu prevee mak hamutuk rihun $700,000.
Tanba ne'e MKI hakarak haklaken ba publiku tomak katak, se mak atu partisipa hodi kontribui ba kampañia nasionál promove produtu lokál, hodi loke stand iha feira ne'e produtu bele kontaktu ba Kiko Lopes ho numeru 7740 8905 no Miguel Soares ho numeru 76896290.
