Diretór jerál Administrasaun Finansa MEJD, Antoninho Pires hateten, eskola 200-resin ne'ebé mak iha Projetu Konstrusaun nia laran, agora daudaun la'o hela no atinje ona 70%.
"Agora daudaun balun to'o ona 70% no balun 50%. Ho ida-ne'e ita espera katak, tempu badak eskola balun finaliza ona," nia hateten iha MEJD, Segunda (25/07/2022).
Ankuantu, Diretór ESG Baukau, Pedro da Conceição Soares informa, konstrusaun ne’e hanaran Perojetu Konstrusaun no Rehabilitasaun Eskolár (PKRE) ho baze komunitária tuir matadalan ne’ebé fó-sai hosi Ministériu Edukasaun, Juventude no Desportu (MEJD).
“Projetu ne'e atinje ona purvolta 27% tuir avaliasaun hosi tékniku sira iha munisipiu ne’e. Hosi 27% konstrui ona fundasaun, hada batako inklui cor laran. Enkuantu faze daruak sei kontinua ba monta rangka, taka kalen inklui monta odamatan no janela," nia hateten.
Tipu serbisu komunitária forma kompostu hosi eskola no inan-aman fahe ba grupu 11 hanesan grupu lima hosi eskola mak forma no neen hosi inan-aman ho komunidade.
Relasiona ho Ida ne'e, Sai hanesan esperiensia foun ba sira, susar tebes tanba bainbain idak-idak ho item, maibé pagamentu ba bada’en laiha. Ida-ne’e sai problema tanba bazeia ba kontratu.
Ho konstrusaun sala de aula neen bele sufisiente ona tanba daudaun ne’e utiliza sala de aula 24 hosi totál estudante na'in-1.500 resin no totál funsionáriu inklui profesór permanente no kontratadu hamutuk na'in-73.
