Diretór Ezekutivu SAMES, Santana Martins hateten, situasaun ba estoke ai moruk ne’e seidauk iha mudansa, tanba ne’e relatóriu ne’ebé uluk ho agora, halo komparasaun ne’e seidauk iha mudansa no estoke out ne’e iha nafatin 35% no ai-moruk ne’ebé disponível ne’e 75% maizu menus ai-moruk 156  item maka mamuk.

“Ami halo ona prosesu aprovizionamentu, ida mak finaliza, ita nia ajudikasaun ba kontratu. Ida seluk maka kontratu ne’e estabelese iha fulan Maiu ho Juñu, tanba relatóriu ne’ebé ami simu ne’e iha Agustu nia rohan tuir kalendáriu ne’ebé ami iha. Ami konvida diretór nasionál farmasia medikamentu iha ospitál no diretór ezekutivu husi ospitál sira hotu,” nia hateten ba jornalista sira iha knaar fatin SAMES Kampung Alor, Segunda (25/07/2022).

Sira mai atu halo prosesu projetu prekualifikasaun, sigfinika prekualifika tiha fabrika sira iha mundu, sira ne’ebé hakarak partisipa ho ita nia projetu. Nune’e, OJE to’o iha 2023 tama vigór iha fulan Janeiru karik, sira hasai de’it kontratu de kompra nune’e bele habadak ona prosesu.

Molok ne’e Santana Martins fó sai ona katak, ai-moruk ne’ebé iha primeiru ko’alia kona-bá totál  lista estoke ne’ebé  ho kuantidade 520 item, entaun husi 520 item ne’e 330 item mak iha hela  disponibilidade maibé 190  item mak out ka mamuk.