“Unidade Misaun atu Kombate Raes Badak ninia misaun mak atu halo Planu Nasionál atu hasoru Raes Badak no halo ezekusaun ba medida sira ne’ebé ita prevee iha-ne’e, hanesan, mobiliza populasaun liuliu ba adosaun komportamentu preventivu sira “Stunting”, apoia atividade tratamentu no hamenus “stunting” no asegura koordenasaun husi órgaun no servisu administrativu  sira iha matéria kombate ba “Stunting” no ba má nutrisaun labarik nian,”dehan Ministru Finansas, Rui Augostu Gomes, liu husi konferensia imprensa, iha Palasiu Governu, sesta ne’e (02/12).

Governante ne’e hatutan, Unidade ida-ne’e, sei hao koordenasaun ho órgaun sira seluk no servisu administrativu sira ne’ebé relevante, sei responsavel ba elaborasaun husi Planu Asaun Kombate ba “Stunting” iha Timor-Leste, no mós ba ezekusaun ba medida sira ne’ebé prevee.

Entretantu, haree ba natureza multidixiplinár no multisetoriál husi asaun sira ne’ebé tenke halo, Unidade ne’e sei depende ba Primeiru Ministru.

 Enkuantu, Unidade Misaun ba Kombate Raes Badak sei remata  iha loron 31 fulan-Dezembru tinan 2024.