Nia informa katak, lei direitu pensaun ba funsionariu publiku ne’ebe ho idade avansadu ne’e publika ona fulan-Outobru tinan 2017.
Tanba ne’e, funsionariu publiku reformadu ne’ebe rejistadu ona iha Institutu Nasional Seguransa Sosial iha direitu heta pensaun, ho valor osan bazeia ba salariu ativu molok reformadu.
"Ha'u la bele hateten professor sira hotu-hotu sira nia pensaun la hanesan konformi sira nia salariu, ne'e mak ha'u hakarak hateten professor sira ne'ebe agora dadaun sira reformadu ona sira iha direitu atu hetan pensaun husi INSS, Professor lubuk ida mai trata ona, agora dadaun sira goja ona sira nia pensaun ida ne'e ita bolu prestasaun sosial ida ne'e no sira la servisu ona hodi hein simu sira nia pensaun atu kontinua sira moris", dehan nia iha servisu, Kaikoli, segunda ne'e (08/08).
Nia esplika, valor pensaun simu la hanesan bazea ba ninia salariu no bazea ba idade de servisu.
"Dala ida tan, ha'u hakarak hateten professor balun ne'ebe reformadu hetan pensaun la hanesan maibe professor balun fulan ida ida sira hetan to'o dolar amerikanu $190, $170 no balun hetan $200 dolar", nia hatutan.
Porzemplu, professor sira ne’ebe ho level 6, tama ona tinan ida liu ba fulan simu kuaze osan $300 dolar.
Ba professor sira ne'ebe mate, nia ferik-oan k laen mak sei trata uluk bazeia ba idade. Bainhira simu pensaun mak nia mate maibe nia fen ka laen ho idade 60 ba leten ona nia sei iha dereitu atu simu to'o mate.
Maibe entre laen ho fen idade seidauk to'o 60, sei simu tinan rua deit, hafoin transfere fali ba sira oan ida no ida ne'ebe sei eskola to'o idade 17 no kontinua universidade to'o idade 24.
Tuir dadus atual husi INSS, hatudu katak professor sira ne'ebe idade hetan reformadu hamutuk 300, no sobrevivensia besik hamutuk rihun ida.
