Tuir Diretor Jeral MSSI, Florensio Pina Dias Gonzaga hateten, dadaun ne'e prosesu rejistu la'o dadaun, kada loron ekipa MSSI preparadu iha Postu Adminitrativu no Postu Saude sira.

Nia dehan, pagamentu ba fulan-Junu nian lao tiha ona, enkuantu lista ba pagamentu fulan-jullu apravadu.

Lista benefisiáriu aprovadu sei halo pagamentu to'o 31 fulan-jullu, ba sira ne'ebe lista foin tama iha fulan-jullu ninia prosesu kontinua la'o.

Total benefiasiriu ne'ebe rejistu husi munisipiu tolu, Ainaru, Bobonaru, RAEOA, ne'ebe sura hahu husi halo lansamentu ba programa refere to'o ohin loron hamutuk rihun 11.164, ho nune'e sura husi inan isin rua hamutuk 1.898, labarik idade 0-3 hamutuk rihun 11.064, no labarik sira ne'ebe identifika ho kondisaun defisiente hamutuk 48.

Tanba ne’e, total dadus benefisiáriu sira rejistu hahu husi fulan-junu to'o fulan- Jullu 2022 hamutuk rihun 11.164.

Enkuantu benefisiáriu ne'ebe hetan ona pagamentu husi fulan-Junu, husi munisipiu tolu, hamutuk 3.570.

Aleinde, benefisiáriu ne'ebe hetan ona direitu iha fulan-jullu nian, sei kontinua hetan nafatin to'o bebe moris, bainhira bebe moris ho kondisaun normal sei hetan dolar amerikanu $20 sira ne'ebe moris ho kondisaun defisiente sei hetan $10, hamutuk $30.

Ho nune'e, benefisiáriu ne'ebe rejistu iha Munisipiu Ainaru, atinji ona 27.5 %, no Munisipiu Bobonaru iha 31,4 % no Regiaun Adminitrativu Especial Oe-kusse Ambeno (RAEOA) 41%.

Entretantu pagamentu ba benefisiáriu hahu husi fulan-Junu nian hamutuk 3.570 ne'e ho osamentu montante hamutuk dolar amerikanu tokon $68.

Nia dehan, pagamentu ba benefisiáriu sira husi fulan-Jullu nian numeru seidauk fiksu, bainhira numeru aumenta, osamentu sei aumenta.

Entretantu programa refere hahu lansa ona iha fulan-Junu tinan ne'e, lansa ona iha munisipiu Ainaru.