“Ita gasta orsamentu bo’ot los ba eletrisidade kuaze billaun ida liu, maibé jestaun ha'u hatete aat tebes, iha klasifikasaun 1 to’o 10, top ha’u fó 2 deit," dehan Prezidete Republika iha Palasiu Prezidensial Ai-Tarak Laran, Tersa (10/12).

Xefe Estadu hatutan, salariu ba prezidente institutu públiku no empreza públiku nia montante boot liu Parlamentu Nasional, maibé eletrisidade mate lakan de’it.

Prezidente Repúblika mós dehan, bainhira nia ba vizita ospital Baukua, haree mákina raisis avaria, tanba kauza husi eletrisidade ne’ebé mate lakan.

“Tenki ko'a sira nia salariu vensimentu, atu nune'e prezidente institutu no empreza públika sira nia salariu labele liu fali Parlamentu Nasionál,”tenik PR.

Prezidente hatutan, lolos institutu públiku ne'e tenki revee tanba barak demais abuzu podér.

Entretantu, transferensia publika husi orsamentu jeral estadu 2024, ba Eletrisidade Timor-Leste, Empresa Pública (EDTL, E.P) ho motante dolar amerikanu milaun $148 resin ne’ebé utiliza ba saláriu vensimentu, bens no servisus, kapitál menor, no kapital dezenvolvimentu.

Enkuantu, hahú husi fulan-janeiru to’o setembru, tinan ne’e, edtl, e.p konsege ezekuta ona pursentu 47,52.