Nia esplika, responsabilidade ne’e la'ós meza Parlamentu Nasionál de'it, maibé deputadu sira, partidu polítiku hotu iha rai ne’e hotu dezde kompromete estabilidade ne’e la’o.

“Se lae halo mosaun sensura. La hatene atu sensura saida? Halo mosaun ida halo por ida depois ita kompromete sensura kritika”, Aniceto Longuinhos Guterres, iha Uma Fukun PN, horisehik.

Tanba ne’e, lider Prezidente Parlamentu Nasionál ne’e dehan bainhira atu halo mosaun sensura tenke iha fundamentu.

“Atu sensura saida katak halo mosaun sensura? Ne’e saida de'it tenke iha fundamentu”, tenik nia.

Tuir Aniceto, kuandu meza Parlamentu komete erru ne'ebé afeta ba funsionamentu ne’e normál, maibé Parlamentu Nasionál nian harii ne’e tenke iha fundamentu ida.

Relasiona nomeasaun Mari Alkatiri ba Primeiru Ministru dehan mosu interese partidarizmu, nia lakohi fó komentáriu kle'an, maibé esplika katak nasaun demokrátiku, tanba ne’e parte hotu-hotu bele hasai ninia opiniaun ka kritika ukun na’in sira.

Konstituisaun RDTL fo dalan ba parte hotu-hotu liuliu Sosiedade sira atu bele rekere desizaun ne'ebé Xefe Estadu Timor Leste foti, kuandu inkonstitusionál bele lori ba Tribunal Rekursu.

Konstituisaun mós fó dalan ba deputadu sira bele halo petisaun hodi rekere deklarasaun inkonstitusionalidade ne’e ba kualkér aktu Governu ka se de'it.

“Atu inkonstitusionál ne’e tribunál mak hateten, tenke Tribunál mak pronunsia” tenik nia.

Kuandu iha pedidu ruma parte ruma ne'ebé iha kompeténsia atu rekere, la'ós kualkér ema halai ba tribunál ba halo prosesu, mezmu nia jurista sa tan ne’e dehan inkonstitusionál.