PR no Eis Xefe Governu Australia Deskuti Setor Ekonomiku no Petróleu

Novembru 26, 2024

PR no Eis Xefe Governu Australia Deskuti Setor Ekonomiku no Petróleu ^Featured

By Ekipa INDEPENDENTE Janeiru 21, 2023 411

Prezidente Repúblika, José Ramos-Horta hasoru malu ho Eis Xefe Governu Australia Kevin Rudd hodi deskuti kooperasaun seitór ekonómiku no petróleu. Foto:Media Gabineti PR.

DILI: Prezidente Repúblika, José Ramos-Horta no Eis Xefe Governu Australia Kevin Rudd deskuti kooperasaun seitór ekonómiku no petróleu.

Tuir komunikadu ne’ebé Online INDEPENDENTE asesu, katak, diskussaun ne’e realiza iha loron kinta (19/01) ne’e, hafoin partisipa iha Forúm Ekonómiku Mundiál ne’ebé hahú iha loron 16 to’o 21 fulan Janeiru.

“Ko’alia kona-ba perspetiva dezenvolvimentu ekonomia iha Timor, inklui dezenvolvimentu seitor petrolíferu, possibilidade diversifikasaun fundu petrolíferu hodi hasa’e rendimentu no mós buka dalan atu realiza lalais “Pipeline Greater Sunrise” mai Timor-Leste no dezenvolvimentu seitór petrolíferu iha iha tasi-mane,” dehan Xefe Estadu iha komunikadu, ne’ebé Online ne’e sita.

Entretantu, Eis Xefe Governu Austrália, Kevin Rudd ne’ebé hanesan komersiante ida promote, atu ko’alia ho nia parseiru komérsiu sira seluk, hodi apoia Timor-Leste bazeia ba pedidu ne’ebé Prezidente Repúblika aprezenta.

Enkuantu, molok ne’e Kevin Rudd vizita Timor-Leste iha tinan 2008 hanesan Primeiru-Ministru, hodi fó ninia soliedariedade ba povu Timor-Leste ne’ebé altura ne’ebé enfrenta situasaun difísil.

Rate this item

(0 votes)