“Ha’u hakarak atu fó parabéns ba povu tomak ne’ebé ita atu hakat ba daudauk hamutuk atu bele selebra data istórika 28 Novembru nian”, dehan PR Lú Olo, iha Palasiu Nobre, Lahane, horisehik.

Xefe Estadu mós hakarak atu fó parabéns mós ba Comite Central FRETILIN ninia ne’ebé iha 1975 ho aten brani proklama independénsia unilaterál ba Timor-Leste ninia independénsia no halo rezisténsia ida duru no karun tebe-tebes hodi konsege manan duni liberdade independénsia.

Nune’e, mós fó parabéns ba povu tomak, ba eis-deputadu sira husi I lejizlatura ninian ka Asembleia Konstituinte ne’ebé hatene ho matenek hodi aprova Konstituisaun RDTL katak, data 28 Novembru maka sai data ba independénsia TL ninian.

Husu mós ba povu Timor tomak atu fó liman ba malu nafatin hamutuk atu dezenvolve nasaun ne’e ba oin.