Kondekoraun ho medalla grande colar ordem Timor-Leste ba Liurai Brunei Darussalam ka Sultan Brunei, Majestade Hassanal Bolkiah, iha ambitu komemorasaun loron restaurasaun independensia TL ba dal-22, nu’udar rekonesimentu estadu TL nian ba ninia lideransa no kontribuisaun ba paz no estabilidade rejionál.

“ohin ita simu liurai boot ne’e, nia ukun ia rai ne’e iha tempu dame no unidade iha Brunei Darussal no liurai ne’e mos kontribui maka’as ba dame no estabilidade iha rejionál. Prezidente Republika, Jose Ramos Horta, iha ambitu komemorasaun Loron Resaturasaun Indepedensia ba dala 22 iha Ai-tarak laran, Segunda (20/05).

Iha biban ne’e, Xefe Estadu husu ba timoroan hotu, atu agradese ba liurai Brunei Darussalam ne’ebe sempre fo tulun no apoiu Timor-Leste atu tama ba ASEAN.
“Ita Agradese ba liu-rai boot, ne’ebé hahú husi ita nia indepedensia sempre fó tulun apoiu ita no ba timor-Leste atu tama ASEAN,” dehan PR

Entretantu, iha komemorasaun loron restaurasaun independensia ba dala 22 ne’e, partisipa maximu husi membru Governu, Deputadus Sesta Legislatura iha Parlamentu Nasional, Veteranus, estudante sira, PNTL, F-FDTL, joven no konvidadus internasionais.