Familia Uma-Kain Sia Lakon Hela Fatin Kauza Husi Dezastre Naturais Featured

By Ivonia Varela Maiu 21, 2024 236
Uma neebe hetan estragus husi dezastre naturais. Foto:Google. Uma neebe hetan estragus husi dezastre naturais. Foto:Google.

DILI: Autoridade Protesaun Sivil (APS) liu husi Sentru Nasionál Operasaun Protesaun Sivil (SNOPS), durante semana ida nia laran, rejista uma-kain sia ne’ebé lakon sira nia hela fatin tanba kauza husi dezastre naturais.

Enkuantu, uma-kain sira ne’e mai husi munisipiu hitu mak hanesan, Bobonaro, Covalima, Ermera, Dili, Lautem, Vikeke inklui Rejiaun Administrativu Espesial Oecuse Ambeno.

Xefe Seksaun Relasaun Externa APS Nelson Nunes de Orleans hateten relatoriu ne'ebé Sentru Nasionál Operasaun Protesaun Sivil (SNOPS) rekolla, dezastre naturais ne'ebé akontese durante semana ida rejulta familia uma kain sia lakon sira nia hela fatin no totál ema ne'ebé afetadu hamutuk 40.

nia esplika, dezastre naturais akontese iha Munisípiu hitu kompostu husi Bobonaru Ahi han mutuk uma ida, Kovalima Anin sobu uma ida, Dili anin sobu uma ida, Ermera anin sobu uma ida, Lautém anin sobu uma ida ho ahi han mutuk uma ida, Oecuse ahi han mutuk uma rua no Munisípiu Vikeke anin sobu uma ida.

Nia informa, família afetadu sira ne'ebé sofre ba dezastre naturais iha munisipiu sira ne'e, Protesaun sivil halo kedas levantamentu dadus kontinua apoiu emerjensia ba hahán no la'ós ai-han ba vitima sira.

“Durante ne'e ami servisu hamutuk ho autoridade komunitariu bainhira akontese dezastre naturais akontese ami halo kedas levantamentu dadus ba vitima hotu,  kontinua apoiu emerjensia hodi hein prosesu rekoperasaun," dehan Xefe liu husi Konferensia Imprensa ne’ebbé halao iha salaun APS kaikoli, Tersa (21/05).

Entretantu, ba Prosesu rekolla dadus, ekipa sira husi munisipiu identifika uluk dadus vitima afeitadu sira, hafoin aprezenta dadus mai iha nasionál halo verifikasaun ba kategoria sira hanesan aat naton no aat grave hodi apoiu rekoperasaun.

Rate this item
(0 votes)
Last modified on Tersa, 21 Maiu 2024 15:02

Independente Digital TV