Sekretariu Meza Parlamentu Nasional, Virgina Ana Belo informa, daudauk ne’e lider bankada sira deside ona ajendamentu debate ba pedidu viajen tolu ne'ebe hato'o husi PR Horta.
"Kona-bá aseitamentu dezlokasaun Prezidente Repúblika nian ba iha Brunei-Darusalam, no Vietname, ne'e dentru de semana ida nia laran, hahú husi dia 5 iha tiha Brunei, depois dia 9-12 iha Filipina, ne'e ajenda ba dia 30 agora," dehan Virgina iha PN, Kinta (26/10).
Ba viajen seluk ba Vietname, nia dehan, PN sei diskuti iha 31 Novembru tinan ida ne’e.
“Entre pedidu viajen tolu ne'e, PN sei deskute uluk vajen ba nasaun rua, hanesan Brunei Darusalam no Filipina, iha Segunda, 30 Outubru, maibé viajen ida seluk ba Vietname ne'e PN sei deskute iha loron 13 fulan Novembru, tanba tempu sei naruk hela,” dehan nia.
Molok ne’e, iha 16 Outubru, Parlamentu Nasional aprova PR Horta ninia viajen ba Reinu da Arábia Saudita, ne’ebé hala’o husi 18 to'o 21 Outubru 2023, ho votus a favor 35, kontra 4, no abstensaun 24.
