Komunikadu ne'ebé diáriu ne'e asesu hateten, Prezidente Repúblika, José Ramos Horta, ezonera Ajuntu Xefe Kaza Militár, Superintendente João dos Reis
Belo, tanba konsidera katak, integra iha lista promosaun ba postu superior no manifesta ninia interesse atu hadi’a karreira profissionál.
Desizaun liu husi dekretu Prezidente Repúblika, númeru 59/23 de 29 de Jullu, bazeia ba númeru 3, artigu 26, Lei Orgánika Prezidénsia Repúblika, Lei númeru 3/201 de 1 de Juñu.
Tanba, Xefe Estadu mós konsidera mós númeru elementu husi Polísia Nasionál Timor Leste (PNTL) ne'ebé tinan ne’e, sei tama iha situasaun apozentasaun.
Nune'e, liu husi dekretu Prezidente Repúblika, númeru 60/2023 no bazeia ba Lei Orgánika Prezidénsia Repúblika, Xefe Estadu nomeia Superentidente-Assistente Luís Barreto Soares ba Adjuntu-Xefe Kaza
Militar Prezidénsia Repúblika nian.
Antes ne’e, Adjuntu Xefe Kaza Militar assume knaar hanesan Adjuntu Diretor Jerál Servisu Migrasaun entre 2009 to’o 2016, Komandante ba Setor Permanente Estranjeiru husi tinan 2016 to’o 2019, Adidu Migrasaun iha Indonézia entre 2019 to’o 2020 no iha inan 2023, okupa temporáriamente Komandu ba Pessoál no Formasaun.
Alende, Superentidente-Assistente Luís Barreto Soares doutoradu iha àrea Direitu husi Universidade Udayana Bali no mós hetan formasaun oi-oin iha àrea investigasaun criminal, exploitasaun sexual, tráfiku umanu, lideransa no demokratizasaun.
