“Ohin kazu detetadu foun na’in rua ka taxa posivitidade 0,2. Nunee kazu rekuperadu ohin laiha,”dehan Kordenadora Jeral Surtu Covid-19, MS, Odete da Silva Viegas, iha komunikadu neebé Online INDEPENDENTE asesu, segunda ne’e.

Nunee, total komulativu kazu konfirmadu sura husi loron 21 fulan-Marsu tinan 2020 too 10 Janeiru 2022, hamutuk nain 19.858.

Aliende, total komulativu óbitu iha Timor-Leste hamutuk nain 122.

Entretantu, kobertura vasina kompletu iha teritoriu laran tomak atinji ona pursentu 68,8 (68,8%).