“Iha Suku Leohitu ha'u hanoin kona-ba eletrisidade ne'e seidauk 100%, kuaze ita konta dehan 70% mak asesu, hela aldeia rua seidauk asesu eletrisidade, tanba ha'u nia populasaun iha aldeia rua liu-liu ita oan sira eskola hakarak matenek, mais presiza mak naroman hodi ita nia oan sira estuda,”dehan nia ba Online INDEPENDENTE, iha nia rezidensia, sabado (15/10).

Nia dehan, aldeia rua ne'ebé seidauk asesu ba eletrisidade mak hanesan, Aldeia Raiulun ho nia totál

Populasaun, kompostu husi mane na’in 401 no feto na’in 365 no familia uma kain hamutuk 176.

Enkuantu, iha Aldeia Faloai totál populasaun kompostu husi mane na’in 183 no feto na’in 193 no familia uma kain hamutuk 96.

Tan ne’e, autoridade lokal rekomenda ba Ministeriu Óbras Públika liuliu ba parte EDTL atu haree ba preokupasaun komunidade sira nian iha suku refere.

Entretantu, molok ne’e, Prezidente Eletrisidade Timor Leste Empreza Públiku (EDTL-EP), Paulo da Silva, hatete, progressu ne'ebé EDTL-EP halo ona mak kobertura asesu enerjia eletrika  programa eletrifikasaun nasionál, liu-liu ba suku sira ne'ebé seidauk asesu enerjia eletrika.

Entaun, EDTL-EP halo programa ida ne'e fahe ba faze tolu, faze dahuluk 44 projetu kobre 24 suku, faze daruak 34 projetu ho 17 suku no faze datoluk 36 projetu kobre 23 suku ne'ebé implementa. Faze dahuluk projetu la'o iha suku 6 mak konklui 100%, ona no balun la'o hela, no tuir tarjetu sei konklui iha fulan ida ne'e.