Nia dehan, kona-ba asuntu ida preokupante tebes komesa kuandu Governu estende Estadu Emerjénsia ba loron 30 tan. Iha mensajen barak tama no lamentasaun husi komunidade katak sira ne’ebé servisu di'ak fulan-fulan iha saláriu.

Maibé ba sira ne’ebé hanesan kondutór mikrolete, bís, taksi ho nia ajudante ho sira ne’ebé servisu loron-loron taka hotu, entaun sira laiha osan atu sustenta vida loron-loron nian.

Sira preokupa tebes katak fulan ida ne’e sira-nia ekonomia tuun tebes no nesesidade báziku de’it mós sira labele hola, tanba orsamentu ba sira saláriu laiha.

“Ha’u hanoin katak iha dalan rua see ita estende, governu tenke aselera ona implementasaun subsídiu ba ema sira ne’ebé laiha saláriu la’ós ba hotu, mas ha’u-nia opiniaun fó ba sira ne’ebé lakon servisu, tanba Estadu Emerjénsia ne’e no povu sira ne’ebé laiha rendimentu fiksu ruma ne’ebé atu bele sustenta sira ninia nesesidade loron-loron difisil,” dehan Arão, iha Parlamentu Nasionál, segunda-horisehik.

Tuir nia, maski atu fó subsídiu ne’e la’ós kompeténsia Parlamentu Nasionál nian, maibé iha lei deskreve para atu governu iha autorizasaun tokon $250 iha tokon $150 ba fundu Covid-19 ne’e dezagrega iha ne’ebé item lubuk ida para governu bele halo tuir.

Entretantu subsidiu ba kbiit la’ek sira sei iha faze deskusaun iha Komisaun Interministeriál.