PN Aprova OJE 2025 ba Prezidensia Repúblika ho Montante $10,844,151

Dezembru 22, 2024

PN Aprova OJE 2025 ba Prezidensia Repúblika ho Montante $10,844,151 ^Featured

By Ivonia Varela Novembru 13, 2024 365

Parlamentu Nasional (PN), aprova proposta Orsamentu Jeral Estadu (OJE) 2025 ba Prezidensia Republika (PR) ho Montante $10,844,151 iha faze espesialidade. (11/11/24). Foto:Media PR.

DILI: Parlamentu Nasional (PN), aprova proposta Orsamentu Jeral Estadu (OJE) 2025 ba Prezidensia Republika (PR) ho Montante $10,844,151 iha faze espesialidade.

Iha loron dahuluk, debate ba Orsamentu Jeral Estadu (OJE), iha faze espesilidade, Parlamentu Nasional aprova OJE ho Montante $10,844,151 ho votu afavór 41, kontra 12 no abstensaun 10.

“Destintus deputadus, votasaun ba orsamentu Preziedensia da Repúblika afavór 41, kontra 12 abstensaun 10, nune’e orasamentu Preziedensia da Repúblika pasa,” dehan Prezidente Parlamentu Nasional Maria Fernanda Lay, iha Plenaria, Segunda (11/11).

Entretantu, husi orsamentu ne’e, aloka ba salariu vensimentu ho totál dolar amerikanu millaun $4,893,100, bens no servisu milllaun $4,401,821, tranferensia públika millaun $1,001,00, kapital menór rihun $150,000 no kapita dezenvolvimentu rihun $398.230.

Enkuantu, ezekusaun ba orsamentu tinan 2024 iha PrezidénsiaRepúblika to'o iha fulan-outubru, ezekuta ona 75% resin , husi totál orsamentu $10, 948.750.

Rate this item

(0 votes)