PM Xanana hasoru malu ho Prezidente Repúblika Indónezia (RI) Prabowo Subianto, iha Palásiu Prezidensiál Jakarta, Indónezia.
Enkontru entre líder na'in rua nu'udár soru-mutu dahuluk no ofisiál hafoin Prezidente Repúblika Indonézia, Prabowo Subianto, simu pose nu'udár Xefe Estadu, iha Parlamentu Nasionál, Senayan, Jakarta, iha Domingu (20/10).
"Durante enkontru líder na’in-rua diskute kooperasaun bilaterál entre país rua, inklui asuntu fronteira terrestre," dehan komunikadu ne'ebé diáriu ne’e asesu, horisehik.
PM Xanana felisita Prabowo Subianto ne’ebé susesu iha eleisaun no parabeniza ba knaar foun nu’udár Xefe Estadu.
Akompaña Xefe Governu, Xanana Gusmão komposta husi Ministru Negósiu Estranjeiru no Kooperasaun (MNEK), Bendito dos Santos Freitas, Sekretáriu Estadu Komunikasaun Sosiál, Expedito Dias Ximenes no Embaixadór Timor-Leste iha Indonézia, Roberto Soares.
