PM Xanana-Omar Shehade Hahú Diskute Kooperasaun Dezenvolvimentu Ekonomia iha TL Featured

By Ivonia Varela Marsu 25, 2024 208
Primeiru-Ministru, Kay Rala Xanana Gusmão hala'o enkontru ho Enviadu Espesiál  Emiradu Árabe Unidu (EAU) ba Asuntu Pasifiku, Omar Shehade hodi deskute kona-ba kooperasaun ne’ebé  rai rua estabese ona durante ne’e iha setór dezevolvimentu ekonónia, komersiu no loke investimentu iha Timor-Leste. Palasiu Governu, (25/03/24). Foto: Media GPM. Primeiru-Ministru, Kay Rala Xanana Gusmão hala'o enkontru ho Enviadu Espesiál Emiradu Árabe Unidu (EAU) ba Asuntu Pasifiku, Omar Shehade hodi deskute kona-ba kooperasaun ne’ebé rai rua estabese ona durante ne’e iha setór dezevolvimentu ekonónia, komersiu no loke investimentu iha Timor-Leste. Palasiu Governu, (25/03/24). Foto: Media GPM.

DILI: Governu Timor-Leste ho Enviadu Espesiál Emiradu Árabe Unidu (EAU) ba Asuntu Pasífiku, Omar Shehade hahú deskute, kona-ba kooperasaun entre rai rua estabese ona durante ne’e iha setór dezevolvimentu ekonomia, komérsiu no loke investimentu iha Timor-Leste.

Primeriu Ministru (PM), Kay Rala Xanana hato'o agradese, tanba Timor-Leste ho EAU sei servisu metin liután ho enkontru ne’ebé Prezidente Repúblika, José Ramos-Horta no Prezidente Repúblika Emiradu Arabe Unidu (EUA), Liurai Suia Majestade, Sheikh Mohamed bin Zayed Al Nahyan hala’o iha vizita ofisiál PR Horta foin lalais ne’e.
"Ami agradese no kontinua metin nafatin koperasaun ho Emiradu Árabe Unidu (EAU) hodi fortifika liu tan kooperasaun ne'ebé estabelese ona,” dehan PM Xanana liu husi Komunikandu ne'ebé Online INDEPENDENTE sita.
Xefe Governu dehan, Timor-Leste simu ho haksolok ba apoia hirak ne’ebé EAU sei oferese atu harii rezidénsia universitáriu iha Timor-Leste no apoia ba programa governu nian.
Iha fatin hanesan, Enviadu Espesiál Emiradu Árabe Unidu (EAU) ba Asuntu Pasifiku, Omar Shehade, agradese bele introdus ninia vizita mai hasoru Xefe Governu Xanana hodi fortifika liután kooperasaun bilaterál entre pais rua.
"Enkontru ida ohin nee kapas tebes, ami ho PM Xanana halo diskusaun kona-ba kooperasaun servisu entre EAU ho TL apoiu dezenvolvimentu ekonomia no setór importante seluk tan," dehan nia.
Nia afirma, Timor-Leste no EAU la’ós hametin de’it kooperasaun polítika no diplomátika, maibé hakarak dezenvolve mós relasaun bilaterál iha setór ekonomia, komérsiu no investimentu, turizmu no agrikultura atu bele multiplika reseita no kontribui bá ekonomia nasionál, rejionál no internasionál.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30