Diskusaun ne’e hala’o iha ámbitu atualizasaun servisu bá Primeiru-Ministru (PM) iha Palásiu Governu, sesta (17/01/2025).
“Ha’u mai tanba Oecuse tutela ba Primeiru Ministru. Ami deskute buat barak kona ba funsionamentu iha Oecuse mak funsaun RAEOA nian hanesan Zona Administrativa Espesial, funsaun ezekutiva no halo ona relatoriu ne’ebé aprezenta ba Konsellu Ministru,” dehna Prezidente Autoridade RAEOA Rogéiro Lobato iha Komunikadu ne’ebé Online INDEPENDENTE asesu, (18/01/25).
Nune’e, iha tempu badak, Primeiru-Ministru sei bá RAEOA atu diskute kle’an liu-tán kona-bá funsionamentu hirak ne’e.
Preokupasaun bo’ot liu iha Oé-cusse maka kona-bá estrada, no Autoridade halo ona esforsu hodi aterru, tuir previzaun katak iha fulan-abríl finaliza ona aterru estrada sira ne’e.
“Prosesu la’o daudaun hodi aterru estrada sira iha área rurál atu fasilita movimentu populasaun ne’ebé maioria moris iha área izolamentu, piór liu estrada la di’ak. Situasaun ne’e afeta tebes bá sira atu halo movimentu,” Rogério Lobato hateten.
