Tuir komunikadu ne'ebé Online INDEPENDENTE asesu, katak, durante oras tolu resin, Primeiru-Ministru vizita kada pasiente, hodi hasé, konta istória kómiku, hamnasa hamutuk, enkoraza no fahe mós prezente Natal bá sira.
Xefe Governu mós enkoraza família pasiente sira atu akompaña família sira ne’ebé moras ho esperansa katak, sei rekopera hodi fila-fali bá uma hamutuk ho família iha selebrasaun natal no tinan foun nian.
“Ha’u mai iha ne’e, tanba lakleur tán ita selebra natal. Ha’u hakarak atu fahe ksolok ho maluk sira ne’ebé sofre moras oioin no baixa iha ne’e,” dehan Primeiru Ministru liu husi Komunikadu ne'ebé Online INDEPENDENTE asesu kuarta (18/12).
Iha vizita ne’e, Primeiru-Ministru, Xanana Gusmão akompaña husi Vise-Ministru bá Fortalesimentu Institusionál Saúde, José dos Reis Magno, Diretór Servisu Apoiu Diagnóstiku no Terapeútiku iha HNGV, Vidal Lopes no dirijente sira inklui médiku balun.
