PM Xanana Alerta Membru F-FDTL no PNTL Halo Juramentu Sai Husi Grupu Arte Marsias

Setembru 08, 2024

Nasional

PM Xanana Alerta Membru F-FDTL no PNTL Halo Juramentu Sai Husi Grupu Arte Marsias ^Featured

By Ekipa INDEPENDENTE Novembru 05, 2023 1470

Primeiro Ministro (PM), Kay Rala Xanana Gusmão. Foto:Media GPM.

DILI:Primeiro Ministro (PM), Kay Rala Xanana Gusmão fo atensaun sei bolu membru PNTL no F-FDTL sira ne’ebé envolve iha grupu Arte Marsiais no Arte Ritual (GAM no GAR ), sei halo juramentu jerál hodi sai husi Arte marsiais no Rituais.

“Ba membru PNTL no F-FDTL para indentifika la’òs kartigu, indentifika polisia no F-FDTL hotu- hotu ne’ebé partense ba GAM no GAR iha loron 28 Novembru 2023 halo juramentu hodi sai hosi grupu para defende povu,” PM Xanana Gusmão Hasai alerta ne’e hafoin Hasoru malu ho Komjer PNTL iha Kaikoli, Sabadu ne’e (4/11).

Primeiro Ministru Xanana Gusmão, hateten Polisia Nasional Timor-Leste nia servisu mak atu defende povu atu moris hakmatek no Falintil Forsa Defeza Timor-Leste (F-FDTL ), nia servisu atu defende nasaun no soberania RDTL, tanba ne’e la autoriza PNTL no F-FDTL atu pertense tan ba GAM -GAR.

PM Xanana subliña sei orienta PNTL atu kaputra hotu pessoal juventude hirak ne’ebé envolve hodi responsabiliza ba krime ne’ebé sira komete.

“Ha’u halo apelu ba povu tomak, hosi aman, inan, to’o oan sira liu-liu joven sira. joven sira uluk, imi nia aman, inan mate ba rai ida ne’e, agora imi oho malu tanba buat ida ke la folin buat ida”, PM Xanana afirma.

Lider Rezistensia n’e alerta mós ba responsabel GAM no GAR kuandu la kontrola sira nia membru halo nafatin krime, governu sei hatun orden hodi kaer maka lider sira ne’e.

“Ha'u apelu atu xefi ga prezidente no se deit husi Arte marsiais hotu hotu atu hasoru ha'u, nune’e bainhira halo problema ba kaer imi ba hatama kadeia,” Informa PM.

Ho problema ne’ebé akontese iha Suku Karabau no Lourba ne’e, Xefe Governu mós husu ba PNTL liu husi Ofisiál Polisia Suku (OPS) atu koopera ho autoridae suku, Igreja no Lia Nain no Juventude sira hodi hala’o kedas dialogu ba dame entre parte hirak ne’ebé komete problema.

Konfrontus entre joven sira iha Suku Lourba, no Suku Karabau Postu Administrativu Bobonaru Munisípiu Bobonaru iha Loron 3 Fulan Novembru ne’e, rejulta uma kuaze sanulu resin hetan sunu, no ema na'in hitu kanek todan.

Rate this item

(0 votes)