Xefe Governu, Taur Matan Ruak hatete, FRETILIN priense vaga mamuk husi CNRT, tanba segundu partidu boot ne’e lakohi apoiu nia Governu rasik ne’ebé harii husi koligasaun anterior.
"Ha'u hanoin Governu nafatin ajusta de’it iha Parlamentu Nasionál. Uluk CNRT apoiu Governu agora la apoiu FRETILIN mak apoiu fali,"dehan Taur hafoin remata enkontru semenal ho Presidente Repúblika Francisco Guteres Lu'olo iha Palasiu Presidensial Aitarak laran.(07/05).
Lider Governante ne'e realsa,situasaun politika rai laran oras ne'e dadaun lao tuir regras tanba orgaun estadu ida-idaik hala’o ida-idaik nia servisu. Governu hala’o nia servisu no Parlamentu Nasionál mós hala’o nia servisu.
Entretantu kona-ba lista membru Governu foun aprezenta ona ba Presidente Repúblika no hein de’it.
