Primeiru Ministru Taur Matan Ruak deklara kestaun ne’e relasiona ho informasaun balun ne’ebé fó sai iha media kona-ba desizaun Prezidente Autoridade RAEOA, Arsenio Bano, hodi hasai funsionariu sira iha RAEOA.
“Prezidente Autoridade RAEOA Arsenio Bano, iha ninia autoridade tomak, governu sentral la mete ninia administrasaun, jestaun iha RAEOA, governu sentral la mete,” dehan PM Taur ba jornalista sira hafoin enkontru semanál ho Prezidente Repúblika Francisco Guterres Lu Olo iha Palasiu Prezidensiál Bairu-Pite, Kinta (09/07).
Molok ne’e, tuir informasaun husi media balun katak, Arsenio hasai funsionariu kontratadu na’in 83 iha RAEOA.
Tuir informasaun, iha deskonfiansa katak desizaun Arsenio ne’e iha relasaun ho politika.
