Komisaun Jestaun Krizé ne’e rasik lidera husi Xefe Governu hodi hahú halo preparasaun ba jestaun iha durante implementasaun Estadu Emerjénsia.

Durante Estadu Emerjénsia, kontrolu tomak sei mai husi komandu ida de'it no informasaun hotu-hotu mós sei sentralizadu.

Ekipa Jestaun ba Krize ne'e sei hahú serbisu efetivu bainhira Dekretu Governu kona-ba regulasaun Estadu Emerjénsia aprovadu.

Iha durante Estadu Emerjénsia ne'e mós, Xefe Governu sei asumi responsabilidade ba Komisaun Interministerial ne'ebé durante ne'e lidera husi Ministra Saúde Interina, Elia Antonio de Araujo dos Reis Amaral.

Hola parte iha enkontru Jestaun krize ne'e mak hanesan; Minsitru Defeza no Ministru Interior Interinu, Filomeno da Paixão de Jesus, Xefe Estadu Maior F-FDTL, Koronel Calisto dos Santos "Koliate" no ofisiais F-FDTL sira seluk