Tanba tuir Xefe Governu ne'e nia haree ba númeru kazu pozitivu COVID-19 kontinua sa’e, no liuliu iha Provínsia Sunda Oriental ka NTT ne'ebe kazu COVID-19 tama ona iha kontajiu komunitária ho nia nivel iha ona deskontrolu no bele sai risku ba Timor-Leste rasik liuliu iha munisípiu sira fronteira nian hanesan Bobonaro, Kovalima no Rejiaun Espesiál Oekusi.
Tuir Xefe Governu katak, daudaun ne’e Timor-Leste iha hela risku boot ba kontájiu komunitária tanba iha fator rua ne’ebé influensia, ida mak kazu COVID iha NTT ne’ebé tama ona kontajiu komunitária no ida seluk mak kazu pasajen ilegal ne’ebé tama sai Timor-Leste, tanba ne’e Xefe Governu subliña presija reativa fila fali Sala Situasaun atu apoiu maxima ba Ministériu Saúde hodi tau matan liuliu ba Munisípiu tolu iha fronteira atu evita labele iha kontajiu komunitária iha rai laran.
Tuir dadus katak total kazu COVID-19 iha NTT, data loron 1 fulan-fevereiru tinan 2021 tuir portal http://www.covid19.nttprov.go.id/home, total kazu : +5,212, sei ativu/baixa: +2,723 no mate ; +147
Enkuantu ba Distriu sira ne'ebe baliza ho Timor-Leste :
Distritu Belu ne’ebé baliza ho Munisípiu Bobonaro:
Total Kazu : +184
Ativu/baixa hela:+97
Mate: +5
Distritu Malaka ne’ebé baliza ho Munisípiu Kovalima
Total Kazu: 32
Ativu/baixa hela:+12
Mate: la iha
Distritu Timor Tengah Utara (TTU) ne’ebé baliza ho Rejiaun Enklave Oekusi
Total Kazu: 44
Ativu/baixa hela:+13
Mate :1
